Précédent

TRANSCRIPTION

Auteur

❧ A Monseigneur Bernardin de Bouchetel de Berri, Abbe de sainct Laurent, Ambassadeur pour le Roy. Sonnet

Voyant en vous la vertu paternelle
Reluire avec admirable sçavoir,
Voyant combien vous faict de grace avoir
Celluy qui ha force sempiternelle,
Voyant combien Majesté supernelle
De dons divins vous a faict recevoir,
Faisant florir (comme chascun peut voir)
Vostre renom en louange immortelle,
Voyant Berry produyre en évidence
De voz majeurs la tant rare prudence
Par ce beau nom et noble Bouchetel,
Bref : contemplant voz graces tant diffuses,
A voz yeux clairs je présente mes Muses,
Pour vous orner du Laurier immortel.
Source
Copiste

Claire Sicard

Notice texte